2027-ci ildə şəhid ailələri və müharibə əlilləri üçün 600 mənzil alınacaq

2027-ci ildə şəhid ailələri və müharibə ilə əlaqədar əlilliyi müəyyən edilmiş şəxslər üçün 600 mənzilin alınmasına 40 milyon manat ayrılması nəzərdə tutulur. Tibbi göstərişi olan müharibə əlillərinin avtomobillərlə, əlilliyi müəyyən edilmiş şəxslərin isə reabilitasiya vasitələri ilə təminatına 30 milyon manatdan çox vəsait yönəldiləcək.

Bu barədə əmək və əhalinin sosial müdafiəsi naziri Anar Əliyev Milli Məclisdə 2027-ci ilin dövlət büdcəsi haqqında qanun layihəsinin müzakirəsi zamanı bildirib.

Nazir qeyd edib ki, növbəti ildə imtiyazlı şəxslərin mənzillərlə, avtomobillərlə və reabilitasiya vasitələri ilə təminatı proqramları davam etdiriləcək.