Azərbaycan Avropa Şurasındakı mövqeyini yenidən qiymətləndirir

Azərbaycan Avropa Şurası ilə münasibətlərini yenidən nəzərdən keçirir və artıq bu qurumdakı üzvlüyünü strateji əhəmiyyətli saymır. Səbəb kimi isə siyasi qərəz, ikili standartlar və dəyişən qlobal reallıqlardır. Bunu Azərbaycan Prezidenti İlham Əliyev bldirib. 

“2001-ci ildə Avropa Şurasına qoşulduğumuzda, Ermənistanın işğal siyasətinə qarşı ədalətli mövqeyimizə dəstək alacağımıza ümid edirdik.Təəssüf ki, bu ümidlər doğrulmadı” –  Əliyev deyib.

Azərbaycanın Avropa Şurasına ilk nümayəndə heyətinə rəhbərlik etdiyini xatırladan Prezident, təşkilat daxilində anti-Azərbaycan mövqelərin geniş yayılmış olduğunu deyib. “Başlanğıcdan bəlli idi ki, burada güclü ermənipərəst lobbi var idi,” –  o vurğulayıb.

Prezident bildirib ki, 2005-ci ildə qəbul edilən və işğaldan bəhs edən mülayim qətnamə belə ciddi müqavimətlə qarşılanıb.

O əlavə edib ki, ATƏT-in Minsk Qrupu digər təşkilatların Qarabağ məsələsinə müdaxilə etməməsi üçün səylər göstərib.

2023-cü ilin sentyabrında Azərbaycan Qarabağ üzərində suverenliyini tam bərpa etdikdən cəmi dörd ay sonra, 2024-cü ilin yanvarında AŞPA Azərbaycanın səsvermə hüququnu dayandırıb. Əliyev bu qərarı “siyasi motivli və guya insan haqları pərdəsi altında verilmiş addım” adlandırıb.

“Bu qərar bizim tarixi qələbəmizdən sonra verildi. Bu, insan hüquqları ilə bağlı deyildi. Bu, bizim suveren addımımıza qarşı verilmiş cavab idi,” –  Prezident bildirib.

Buna cavab olaraq Azərbaycan nümayəndə heyətini geri çağırıb və təşkilatın iclaslarında iştirakını dayandırıb.

Əliyev həmçinin bildirib ki, Azərbaycan Avropa İnsan Hüquqları Məhkəməsinin qərarlarını tanımır, çünki ölkəyə hakimlərin seçilməsində iştirak imkanı verilməyib.

“Əgər təmsil olunmuruqsa, bu məhkəmənin qərarlarını da legitim saymırıq,” –  o bildirib.

2023-cü ildə COP29 çərçivəsində Avropa Şurasının baş katibi Bakıya səfəri zamanı Azərbaycandan tam çıxmamağı xahiş edib.

Əliyev bildirib ki, ölkə yalnız “etik baxımdan” üzvlükdə qalmağa razılaşıb, lakin vurğulayıb.

“Avropa dəyişib. Bizim yanaşmamız da dəyişib,” –  Prezident əlavə edib.

O, Donald Trampın prezidentliyi dövründən sonra dünyada qlobal nizamın dəyişdiyini vurğulayıb.

“Bu gün Strasburq və ya Brüsseldə qəbul olunan qətnamələrin əvvəlki çəkisi yoxdur. Azərbaycan üçün artıq heç bir əhəmiyyəti yoxdur.”

Əliyev bildirib ki, Azərbaycan regionda öz mövqeyindən əmindir və köhnəlmiş Qərb institutlarından razılıq gözləmir.

“Biz əməkdaşlığa, dostluğa açığıq – amma yalnız qarşılıqlı hörmət, daxili işlərə qarışmamaq və bizə yad olan dəyərlərin zorla qəbul etdirilməməsi əsasında,” –  dövlət başçısı bildirib.

N.Təbrizli