Salyanda məktəbdə zəhərlənənlərin sayı 17-yə çatıb /Yenilənib

Salyan Rayon Mərkəzi Xəstəxanasının Təcili tibbi yardım şöbəsinə 05.12.2025-ci il tarixində saat 13:40 radələrində 17 nəfər (13 nəfər qadın cinsi, 4 nəfər kişi cinsi olmaqla) tüstüdən zəhərlənmə şübhəsi ilə hospitalizasiya olunub.

Pasiyentlərin hər birinə zəruri tibbi xidmətlər göstərilib. Onlardan vəziyyəti stabil qiymətləndirilən 9 nəfər ambulator müalicə üçün evə buraxılıb.

Hazırda 8 nəfərin müalicəsi davam etdirilir, vəziyyətləri stabildir.

16^00

Şirvan Salyan Regional İdarəsi faktı təsdiq edib və bildirilib ki, ümumilikdə 12 nəfər tütüdən zəhərlənib.

"Tüstülənmə nəticəsində 10 şagird, 2 nəfər texniki işçi özünü pis hiss edib və təcili-tibbi yardıma müraciət edilib. Onların səhhəti diqqət mərkəzində saxlanılır. Hazırda aidiyyəti qurum tərəfindən hadisənin başvermə səbəbləri araşdırılır", - məlumatda deyilir. 
 

15:37

Salyanın Yuxarı Noxudlu kəndində bir məktəbdə baş verən kütləvi zəhərlənmə hadisəsi nəticəsində 11 şagird və 2 texniki işçi xəstəxanaya yerləşdirilib. Bu barədə məlumatı “Report”un Aran bürosu yayıb.

İlkin versiyaya görə, zəhərlənməyə məktəbdə istifadə olunan odun sobasından ayrılan tüstü səbəb olub.

Zərərçəkənlər Salyan Rayon Mərkəzi Xəstəxanasına çatdırılıb və həkim nəzarətinə götürülüb.

Hadisə ilə bağlı araşdırma aparılır.

Aytac