Tramp bəzi ölkələrə rüsumları 90 gün müddətinə dayandırıb

ABŞ prezidenti Donald Tramp bir sıra ölkələrə qarşılıqlı əsasda tətbiq edilən əlavə idxal rüsumlarını 90 gün müddətinə dayandırdığını bildirib.Bu barədə o, "Truth Social" sosial şəbəkəsində yazıb.

Tramp qeyd edib ki, "75-dən çox ölkə ticarət, ticarət maneələri, rüsumlar, valyuta manipulyasiyası və qeyri-monetar rüsumlarla bağlı məsələləri müzakirə etmək" üçün ABŞ rəsmilərinə müraciət edib. Bu dövlətlər ABŞ-a qarşı heç bir cavab tədbiri görməyiblər.

Bununla əlaqədar Tramp bildirib ki, o, 90 günlük fasilə və həmin müddət üçün cavab tariflərinin əhəmiyyətli dərəcədə 10 faizlik aşağı səviyyəsinin tətbiq edilməsi ilə bağlı tapşırıq verib.

"Qərar dərhal qüvvəyə minir", - deyə Ağ Ev rəhbəri vurğulayıb.