Gürcüstan Prezidenti Azərbaycan səfirini qəbul edib

Gürcüstan Prezidenti Azərbaycanın Tbilisidəki səfiri Faiq Quliyevlə görüş keçirib.Bu barədə Mixeil Kavelaşvili özünün sosial şəbəkə hesabında paylaşım edib.

Görüş zamanı tərəflər Gürcüstan ilə Azərbaycan arasında mövcud olan dostluq və strateji tərəfdaşlıq münasibətlərini müzakirə ediblər. Prezident bildirib ki, Azərbaycan və Gürcüstan arasındakı əməkdaşlıq regionda sabitlik və inkişaf baxımından mühüm əhəmiyyət daşıyır.

Prezident, həmçinin Azərbaycanın Gürcüstanın suverenliyi və ərazi bütövlüyünə verdiyi daimi və dəyişməz dəstəyə görə səfirə təşəkkürünü bildirib.

Görüş zamanı həmçinin siyasi, iqtisadi və regional əməkdaşlıq məsələlərinə dair fikir mübadiləsi aparılıb.