Azərbaycanda kredit portfelində gecikməli kreditlərin payı azalıb

Azərbaycanda kredit portfelində gecikməli kreditlərin payı 3.6 faizdən 3.4 faizə enib, restrukturizasiya olunan kreditlərin payı isə 3.6 faizdən 4 faizə yüksəlib. Bu barədə Mərkəzi Bankın baş direktoru Şahin Mahmudzadə bildirub. 

“Bu artım əsasən fraqmental xarakter daşıyıb və bəzi banklar tərəfindən yeni kreditlərin verilməsi hesabına baş verib. Mərkəzi Bank bunun sistemli dəyişiklik əlaməti ola biləcəyini bildirir”, -Mahmudzadə deyib. 

Sahələr üzrə kredit risklərinə baxıldıqda, ənənəvi olaraq üstünlük verilən sahələrdə gecikmə səviyyəsi azalmağa davam edir. Yalnız bir sektorda cüzi artım – təxminən 5 milyon manat həcmində qeydə alınıb ki, bu da sistemli risk hesab edilmir.

İstehlak kreditləri üzrə əhalinin borc yükü 15.8 faizdən 18 faizə yüksəlib. Kreditləşmənin daha sürətli artması bu göstəriciyə təsir göstərib. Xüsusilə “Verde” kampaniyası çərçivəsində borclanma əhəmiyyətli dərəcədə artıb. Aylıq borc yükü 45 faizdən aşağı olan əhali qrupu üzrə kredit artımı daha çox olub.

“Mərkəzi Bank bu riskləri nəzərə alaraq yaxın aylarda yeni tənzimləmə tədbirlərinin tətbiqini planlaşdırır. Hazırda aidiyyəti qurumlarla məsləhətləşmələr aparılır”, - Mahmudzadə deyib. 

N.Təbrizli