ABŞ-də universitetdə atışma olub,ölən və xəsarət alanlar var - Yenilənib

ABŞ-nin Florida ştatının Tallahassi şəhərindəki universitetdə baş verən atışma nəticəsində 5 nəfər ölüb, daha 4 insan yaralanıb.Bu barədə yerli WFTV telekanalı məlumat yayıb.

Məlumata görə, atəş açan iki şəxs olub, onlardan biri öldürülüb, ikincisi saxlanılıb. CNN və “Fox News” altı zərərçəkənin olduğunu bildirib.

Hadisənin səbəbi və yaralıların vəziyyəti barədə məlumat yoxdur.

22:35

ABŞ-nin Florida ştatının Tallahassi şəhərində yerləşən universitetinin kampusunda atışma baş verib.Bu barədə CBS telekanalının yerli bölməsi məlumat yayıb.

Hadisə nəticəsində 4 nəfərin yaralandığı bildirilir.

İlkin məlumata görə, silahlı şəxs təhsil müəssisəsinin ərazisindən çıxarkən görüntülənib. Şübhəlinin həbsi ilə bağlı hələlik məlumat yoxdur.

Atışma baş verən əraziyə yaxın olan bütün məktəblər təhlükəsizlik məqsədilə bağlanıb. Universitet ərazisində polis növbətçilik çəkir.