ABŞ Suriyadakı üç bazasını bağlayacaq

ABŞ Suriyanın şimal-şərqindən əsgərlərini geri çəkməyə başlayıb və tezliklə bölgədəki səkkiz əməliyyat bazasından üçünü bağlayacaq. Bu barədə New York Times (NYT) iki yüksək rütbəli amerikalı məmura istinadən məlumat yayıb.

Sözügedən bazalar Missiya Dəstək Saytı Yaşıl Kənd və MSS Fəratdır. Onların bağlanması nəticəsində ABŞ-ın Suriyadakı hərbi kontingenti 2000-dən 1400-ə enəcək.

Üstəlik, iki aydan sonra Amerika komandanlığı daha da çox əsgəri respublikadan çıxara bilər. NYT-dəki mənbənin məlumatına görə, Suriyada 500-ə qədər hərbçi qala bilər. Eyni zamanda, ABŞ prezidenti Donald Tramp , ümumiyyətlə, hər hansı kontingentin saxlanılmasının mümkünlüyünə çox şübhə ilə yanaşır.

Aprelin 16-da Sky News Arabia, ABŞ-ın Suriyadakı hərbi komandanlığının Deyr əz-Zor əyalətindəki Koniko qaz yatağı ərazisindəki hərbi bazada yerləşdirilmiş xüsusi təyinatlı qüvvələrini geri çəkməyə başladığını  bildirib. 

Aytac