Ukrayna danışıqlarının növbəti mərhələsi aprelin sonu baş tutacaq - Makron

Ukraynadakı münaqişənin həlli üzrə sülh danışıqlarının növbəti mərhələsi  aprelin sonunda Londonda keçiriləcək. Bunu Fransa prezidenti Emmanuel Makron X sosial şəbəkəsindəki (keçmiş Twitter) səhifəsində bildirib.

"Aydındır ki, hamımızın sülh arzusundayıq. Biz əvvəldən ABŞ prezidenti Donald Trampın Ukraynadakı münaqişəyə ən qısa zamanda son qoymaq təklifini dəstəkləmişik", - o vurğulayıb.

Avropa ölkələri Ukrayna münaqişəsinin həlli üçün danışıqlar prosesinə qoşulub. Aprelin 17-də Parisdə müxtəlif iştirakçılarla, o cümlədən ABŞ, Avropa İttifaqının rəhbərləri , Böyük Britaniya və Ukrayna nümayəndə heyəti ilə görüşlər keçirilib. Yelisey Sarayı danışıqları “məhsuldar və konstruktiv” adlandırıb və Emmanuel Makron sülhə nail olmaq üçün “səyləri ikiqat artıracağına” söz verib.

Gülnar