Zelenski Putinin “Pasxa atəşkəsi” elan etməsinə münasibət bildirib

“Vladimir Putin “Pasxa atəşkəsi” elan etsə də, Ukrayna səmasında Rusiyanın pilotsuz təyyarələri hələ də aşkar edilir.Bunu Ukrayna Prezidenti Volodimir Zelenski bildirib.

“Hazırda bütün Ukraynada hava hücumu xəbərdarlığı yayılır. Saat 17:15-də səmamızda Rusiyaya məxsus pilotsuz uçuş aparatları qeydə alınıb”, - deyə Zelenski qeyd edib.

O, vurğulayıb ki, indi Ukraynanın hava hücumundan müdafiəsi və aviasiyası fəaliyyətə başlayıb:

“Bizim səmadakı “Şahedlər” Putinin Pasxa bayramına və insanların həyatına əsl yanaşmasıdır".

Bu gün Rusiya lideri Vladimir Putin Ukrayna-Rusiya müharibəsində “Pasxa atəşkəsi” elan edib.