Mərkəzi Bank 600 milyon manatlıq repo hərracı keçirəcək

25 aprel 2025-ci il tarixində Bakı Fond Birjasında Azərbaycan Mərkəzi Bankı tərəfindən 600 milyon manatlıq 7 günlük repo hərracı keçiriləcək.

Hərrac saat 15:00-dan 15:30-a qədər baş tutacaq. Repo predmetinin identifikasiya nömrəsi AZ2001008351-dir. Açılış qiyməti 1 manat müəyyən olunub.

Faiz dərəcəsi 6.26%-dən 7.24%-ə qədər dəyişir. Hərracda hər bank yalnız bir sifariş verə bilər və sifarişin həcmi maksimum hərraca çıxarılan məbləğ qədər ola bilər.

Repo müqaviləsinin müddəti 7 gün təşkil edir, bitmə tarixi 2 may 2025-ci ildir.

N.Təbrizli