Trampın nümayəndəsi Moskvadadır

ABŞ prezidenti Donald Trampın xüsusi nümayəndəsi Stiven Vitkoff Moskvaya səfər edib . Bu barədə “İnterfaks” mənbələrə istinadən xəbər verir.

"Vitkoff artıq Moskvadadır", - agentliyin mənbələri bildirib.

Aprelin 24-də “The Spectator” yazıb ki, Ukraynadakı münaqişənin həlli  Rusiya prezidenti Vladimir Putinlə Vitkoffun Moskvada keçirilən görüşünün nəticələrindən asılıdır. 

Həmin gün ABŞ prezidenti Donald Tramp Ukraynadakı münaqişənin həlli üçün öz müddətinin olduğunu desə də, bunun nə olduğunu açıqlamaqdan imtina edib.

Ağ Ev rəhbəri də yaxın günlərdə "çox vacib görüşlər" keçirəcəyini açıqlayıb. Bloomberg-in məlumatına görə, onlardan biri Rusiyada baş tutacaq.

Gülnar