Azərbaycanda avtomobil sığortası ödənişləri 38,5 milyon manatı keçib

Azərbaycanda 2025-ci ilin ilk rübündə avtonəqliyyat vasitələrinin icbari sığortası üzrə həm yığımlar, həm də ödənişlər artıb. Bu barədə  Mərkəzi Bank məlumat verib. 

Yanvar-martda avtomobil sahiblərinin mülki məsuliyyətinin icbari sığortası üzrə toplanan vəsait 38,53 milyon manat təşkil edib ki, bu da ötən ilin eyni dövrü ilə müqayisədə 4% çoxdur.

Hesabat dövründə bu növ sığorta üzrə ödənişlər 28,02 milyon manata yüksəlib. Bu göstərici 2024-cü ilin eyni dövrü ilə müqayisədə 1% artım deməkdir.

Statistika ölkədə avtomobillərin istifadəsinin artması və zərər ödənişlərinin davamlı şəkildə yüksəlməsi fonunda sığorta bazarında aktivliyin davam etdiyini göstərir.