Son bir həftədə təmizlənən minalı ərazilərin həcmi açıqlanıb

İşğaldan azad olunan ərazilərdə bu həftə 19 tank əleyhinə mina, 32 piyada əleyhinə mina, 504 partlamamış hərbi sursat aşkarlanıb.  Bu barədə Azərbaycan Minatəmizləmə Agentliyinin  (ANAMA) həftəlik məlumatında qeyd olunub.

Məlumata əsasən, 1416.9 hektar ərazi minalardan təmizlənib.

Dünyada mina qurbanlarının 84%-i mülki şəxslərdir. Onların da 37%-ni uşaqlar təşkil edir. Ümumilikdə isə mina qurbanlarının 81%-ni kişilər və oğlan uşaqları təşkil edir. 
 
Azərbaycanda da mina qurbanlarının sayı 3400 nəfərdən çoxdur. Onların 359 nəfərini uşaqlar təşkil edir. 38 nəfəri qadınlardır. 
 
Təkcə İkinci Qarabağ Müharibəsindən sonra mina qurbanlarının sayı 382 nəfər təşkil edib. Onların 55 nəfəri həlak olub. Minaya düşənlərin 143 nəfəri isə mülki şəxslərdir. 

Aytac