“Unibank”dan AZAL-a transfer

“Azərbaycan Hava Yolları” QSC-də (AZAL) Daxili Audit Departamentinin yeni rəhbəri təyin edilib. Bu vəzifəyə Samir Məmmədov gətirilib.

Samir Məmmədov 2023-cü ilin dekabrından bu günə qədər “Unibank” ASC-nin Daxili Audit Departamentinə rəhbərlik edib. Bank sektoruna 2015-ci ildə auditor kimi daxil olan Məmmədov 2020-2023-cü illərdə “Unibank”ın İT audit şöbəsinin rəhbəri olub.

O, 2019-cu ildən beynəlxalq ISACA təşkilatının üzvüdür və CISA (Certified Information Systems Auditor), CRISC və CISM kimi beynəlxalq sertifikatlara sahibdir.

Yeni departament rəhbəri Azərbaycan Texniki Universitetində “İnformasiya sistemlərinin təhlükəsizliyi” ixtisası üzrə bakalavr, Azərbaycan Dövlət İqtisad Universitetində isə “Qiymətli kağızlar” ixtisası üzrə magistr dərəcəsi alıb.