AMBkağız və metal pulların istehsalı və nəqli üzrə xərclərini 34 %-dən çox azaldıb

Ötən il Azərbaycan Mərkəzi Bankının (AMB) kağız və metal pulların istehsalı və nəqli üzrə xərcləri 9,282 milyon manat olub.

Bu barədə qurum məlumat yayıb.

Sənədə əsasən, bu, 2023-cü illə müqayisədə 34,2 % azdır.

Ötən ilin sonuna Azərbaycanda dövriyyədə olan kağız və metal pulların həcmi 17,449 milyard manat olub. Məlumata görə, dövriyyədə olan kağız və metal pulların həcmi son bir ildə 131 milyon manat və ya 0,8 % artıb.