Azərbaycan nefti Çexiyanın dövlət ehtiyatlarına daxil ediləcək

Azərbaycan nefti iyunda rəsmi olaraq Çexiya Respublikasının dövlət ehtiyatlarına əlavə ediləcək. Bu barədə Çexiyanın milli təhlükəsizlik üzrə müşavirinin müavini Tomaş Poyar  bildirib.

“Çexiya İtaliyadan sonra Azərbaycanın neftinin ikinci ən böyük idxalçısıdır və ölkənin enerji balansında mühüm rol oynayır”, —  Poyar vurğulayıb.

O əlavə edib ki, Aİ ölkələrinin enerji təhlükəsizliyi təkcə təchizat mənbələrindən deyil, həm də nəqliyyat marşrutlarından asılıdır.

Poyar Çexiyanın enerji əməkdaşlığının şaxələndirilməsini və bərpa olunan enerji mənbələrinə önəm verdiyini bildirib.

Rəsmi məlumatlara görə, Praqa ildə orta hesabla Azərbaycandan 2-2,5 milyon ton neft idxal edir və Aralıq dənizi regionunda alışları artırmağı planlaşdırır.

N.Təbrizli