UFC döyüşçüsü Xalil Rauntree İçərişəhəri gəzib

UFC-nin yarım-ağır çəki dərəcəsində sabiq titul iddiaçısı Xalil Rauntree iyunun 21-də “Baku Crystal Hall”da keçiriləcək UFC-nin Azərbaycandakı ilk turnirinin əsas döyüşü öncəsi İçərişəhəri ziyarət edib.

Döyüşçü Şirvanşahlar sarayı, Qız qalasına  baş çəkib, Azərbaycan xalçaçılıq sənəti ilə tanış olub və hətta xalça toxuma prosesində şəxsən iştirak edib.

Turnirin əsas döyüşündə Rauntree sabiq UFC çempionu Camal Hill ilə qarşılaşacaq.

Həmçinin, ikinci əsas qarşılaşmada azərbaycanlı Rafael Fiziev ilə çilili İqnasio Baamondes döyüşəcək.

Kartda daha iki azərbaycanlı döyüşçü — Nazim Sadıqov (rəqibi: braziliyalı Nikolas Motta) və Tofiq Musayev (rəqibi: qırğızıstanlı Mıqtıbek Orolbay) da yer alıb.

N.Təbrizli