Paşa Bank iyunun üçüncü həftəsində 60 milyon manatlıq yeni istiqrazlar buraxacaq

Azərbaycanın sustem formalaşdıran kommersiya banklarından biri olan Paşa Bank iyunun üçüncü həftəsində yeni istiqraz emissiyasına başlayacaq. Bu barədə bankın törəmə investisiya şirkəti Paşa Kapitalın direktor müavini İlqar Tağıyev məlumat verib.

Onun sözlərinə görə, istiqrazlar üç ayrı tranşla buraxılacaq və hər bir tranşın həcmi 20 milyon manat təşkil edəcək.

“İstiqrazların müddətləri 3, 6 və 12 ay olacaq. Faiz dərəcələri isə müvafiq olaraq 8%, 10% və 11% səviyyəsində müəyyən edilib,” – Tağıyev bildirib.

Yeni buraxılış Paşa Bankın likvidlik idarəçiliyini və yerli investorların marağını artırmaq məqsədi daşıyır. Bank əvvəllər də qısa və orta müddətli istiqraz emissiyaları həyata keçirərək daxili bazarda fəal iştirakçı kimi çıxış edib.

Paşa Bank Azərbaycanın ən iri özəl banklarından biridir və əsasən korporativ bankçılıq, investisiya və fərdi bank xidmətləri üzrə ixtisaslaşıb. Bankın törəmə şirkəti Paşa Kapital isə kapital bazarlarında vasitəçilik xidmətləri göstərir.

N.Təbrizli