• $ 1.7
  • € 2.0001
  • ₽ 0.021587
  • ₺ 0.0426
  • £ 2.315

Tehranın “qırmızı xətt” oyunu: Hörmüz boğazı üzərində artan risklər

Tehranın “qırmızı xətt” oyunu: Hörmüz boğazı üzərində artan risklər
17.06.2025 08:52

İsrailin İranın hərbi və nüvə obyektlərinə zərbələrindən sonra Tehran Hörmüz boğazının bağlanması ehtimalını ciddi şəkildə gündəmə gətirib. Boğazın bağlanması dünya enerji bazarlarına ciddi təsir göstərə və ABŞ-ı birbaşa münaqişəyə cəlb edə bilər.

İran iyunun 13-də dövlət xəbər agentliyi IRNA vasitəsilə bəyan edib ki, əgər İsrailin hücumları davam edərsə, Tehran "ağır addımlar", o cümlədən Hörmüz boğazının bağlanması və Fars körfəzində ABŞ-ın maraqlarına zidd tədbirlər barədə düşünür.

İyunun 14-də Milli Təhlükəsizlik Komitəsinin üzvü İsmayıl Xodari bildirib ki, boğazın bağlanması "ciddi müzakirə olunur".

İran Xarici İşlər Nazirliyinin nümayəndəsi Nəssius Hüseyni isə deyib ki, bu variant hələ də mövcuddur, lakin Tehranın ilk seçimi deyil.

ABŞ Dövlət Departamenti isə cavab olaraq bildirib ki, İranın bu cür addımı “qırmızı xəttin keçilməsi” kimi qiymətləndiriləcək.

ABŞ bölgəyə əlavə aviadaşıyıcı göndərib və Fars körfəzində hərbi hazırlıq səviyyəsini artırıb.

Amerikalı rəsmilər Səudiyyə Ərəbistanı və BƏƏ ilə koordinasiyanı gücləndiriblər.

Kəşfiyyat orqanlarının fikrincə, İran birbaşa qarşıdurmadan qaçmaq üçün Yəmən və İraqdakı müttəfiqləri vasitəsilə hərəkət etməyə hazırlaşır. 

Ekspertlər hesab edirlər ki, Hörmüz boğazının bağlanması neftin qiymətini 150 dollara qədər artıra və Çin, Hindistan kimi əsas enerji istehlakçılarının iqtisadiyyatına mənfi təsir göstərə bilər.

Radikal ideologiyasına baxmayaraq, İranın "molla rejimi" öz mövcudluğunu təmin etməyə ciddi önəm verir və “öz ayağına güllə atacaq” qədər irrasional hərəkətə getməz.

Eyni zamanda İran təzyiq vasitəsi kimi Hörmüz boğazını tam bağlamadan başqa alternativlərə əl ata bilər — ticarət gəmilərinə gizli hücumlar, Fars körfəzindəki hərbi mövqelərindən zərbələr və ya kiçik gəmi yollarının qismən bağlanması kimi addımlar ehtimal olunur. 

Nəticə etibarilə, bu gün Yaxın Şərqdə gərginliyin əsas oxu üç paytaxt — Vaşinqton, Qüds və Tehran arasında formalaşır. İsrail İranın nüvə proqramını sıradan çıxarmağa çalışdığı, Tehran isə “sionist rejim”ə ballistik raketlərlə cavab verdiyi bir vaxtda ABŞ müttəfiqinə dəstək və qlobal eskalasiyanın qarşısını almaq arasında balans saxlayır.

Fars körfəzi ölkələri bölgədə sabitliyin saxlanmasında maraqlıdırlar, lakin onların İran-İsrail qarşıdurmasına real təsir imkanları məhduddur. Bu isə Yaxın Şərqi dönməz hadisələrə bir addım yaxınlaşdırır.

Nəticədə əsas sual yalnız İranın Hörmüz boğazını bağlayıb-bağlamayacağı deyil. Əsas məsələ — əgər Tehran bunu etməyə cəhd göstərsə, bunun dünyaya nə qədər baha başa gələcəyidir?Buna görə də İranın bu riskli addımı atması ehtimalı azdır.

İstiqamət: 6.3.15. dini və milli tolerantlıq, millətlərarası münasibətlərin inkişaf etdirilməsi;

Qeyd: Yazı Medianın İnkişafı Agentliyinin maliyyə dəstəyi çərçivəsində hazırlanıb. 

N.Təbrizli


 

 

Oxşar xəbərlər
Oxşar xəbərlər
“Brent” neftin qiyməti artıb
İqtisadiyyat 20:30
“Brent” neftin qiyməti artıb
DGK audit yoxlanmasına yarım milyon manatdan çox vəsait xərcləyəcək
İqtisadiyyat 18:10
DGK audit yoxlanmasına yarım milyon manatdan çox vəsait xərcləyəcək
Naxçıvanda aktiv ƏDV ödəyicilərinin sayı 13 %-ə yaxın artıb
İqtisadiyyat 15:48
Naxçıvanda aktiv ƏDV ödəyicilərinin sayı 13 %-ə yaxın artıb
SOCAR-ın depozitləri 5 dəfəyə yaxın artıb
İqtisadiyyat 13:46
SOCAR-ın depozitləri 5 dəfəyə yaxın artıb
Abonentlər sabit tarif üçün 1 manatdan artıq ödəməyəcək - Nazir müavini
İqtisadiyyat 12:21
Abonentlər sabit tarif üçün 1 manatdan artıq ödəməyəcək - Nazir müavini
Gələn ilin sonuna kimi Qarabağa 200 min vətəndaşın köçürülməsi planlaşdırılır
İqtisadiyyat 11:29
Gələn ilin sonuna kimi Qarabağa 200 min vətəndaşın köçürülməsi planlaşdırılır
Əmtəə bazarlarında qızıl bahalaşıb
İqtisadiyyat 11:04
Əmtəə bazarlarında qızıl bahalaşıb
Azercell telekommunikasiya və texnologiya şirkətlərinin qlobal alyansına qoşuldu
İqtisadiyyat 10:56
Azercell telekommunikasiya və texnologiya şirkətlərinin qlobal alyansına qoşuldu
Azərbaycan nefti bahalaşıb
İqtisadiyyat 09:52
Azərbaycan nefti bahalaşıb
Anews TV

Rəsmi Youtube kanalımız

Abunə ol