İran “Dəmir Qübbə”ni necə yardı? – VİDEO

İsrail və İran arasında davam edən müharibə fonunda hərbi texnologiyaların effektivliyi dünya ictimaiyyətinin diqqət mərkəzindədir. BBC Türkcənin yaydığı məlumata görə, son hücumlarda İranın atdığı yüzlərlə raketdən bir neçəsi İsrailin “Dəmir Qübbə” hava hücumundan müdafiə sistemini yararaq şəhərlərə və sənaye obyektlərinə düşüb.

İsrailin istifadəsində 10 “Dəmir Qübbə” batareyası olduğu ehtimal edilir. Bu sistemlər radarla raketin trayektoriyasını müəyyən edir və yalnız əhəmiyyətli obyektləri hədəf alan raketlərə müdaxilə edir.

Düşmən raketinə qarşı havada partladılan müdafiə mərmiləri ilə sistem raketi havada zərərsizləşdirməyə çalışır.

Rəsmi məlumatlara görə, son hücumlarda “Dəmir Qübbə” sistemi İrandan atılan raketlərin 90 faizini zərərsizləşdirib. Lakin təxminən 30 raketin sistemdən keçərək hədəfə çatması, bu texnologiyanın 100% etibarlı olmadığını da göstərir.