"X" sosial şəbəkəsinin işində problemlər yaranıb

"X" sosial şəbəkəsinin bir sıra ölkələrdən olan istifadəçiləri onun işində miqyaslı nasazlıq yaranması barədə məlumat veriblər.Bu barədə "Downdetector" portalı xəbər verir.

Məlumata görə, nasazlıq Bakı vaxtı ilə saat 17:30-da başlayıb. Ən çox şikayət (16 min) ABŞ-dən daxil olub.

Bundan əlavə, problem barədə Böyük Britaniya, Kanada, Fransa, eləcə də Almaniya, Niderland, İspaniya,Meksika,Hindistan və Braziliyadan olan istifadəçilər bildiriblər.

İstifadəçilər ən çox sosial şəbəkə tətbiqinin və veb-saytının işi, serverə qoşulma, paylaşımların dərci və hesaba daxil olma ilə bağlı problemlərdən şikayətləniblər.