İran Prezidenti Pezeşkian ECO Zirvə görüşündə iştirak üçün Azərbaycandadır

İran İslam Respublikasının Prezidenti Məsud Pezeşkian iyulun 4-də İqtisadi Əməkdaşlıq Təşkilatının (ECO) 17-ci Zirvə görüşündə iştirak etmək məqsədilə Azərbaycana səfərə gəlib.

Füzuli Beynəlxalq Hava Limanında Prezident Pezeşkianın şərəfinə fəxri qarovul düzülüb. Ali qonağı Azərbaycanın mədəniyyət naziri Adil Kərimli, Prezidentin Ağdam, Füzuli və Xocavənd rayonları üzrə xüsusi nümayəndəsi Emin Hüseynov və digər rəsmi şəxslər qarşılayıblar.