Hərbi prokuror Naxçıvanda sərhədçilərlə görüş keçirib

Azərbaycan Respublikasının Hərbi prokuroru Bəhruz Əhmədov və Dövlət Sərhəd Xidmətinin Naxçıvan Əlahiddə Sərhəd Diviziyasının komandiri general-mayor Bəhmən Babayev sərhəd qoşunlarının hərbi qulluqçuları ilə görüş keçiriblər. Görüşdə hərbi prokurorluq və sərhəd xidməti rəhbər heyəti iştirak edib.

Hərbi Prokurorluğun məlumatına görə, tədbirdən əvvəl Ümummilli Lider Heydər Əliyevin abidəsi və şəhid guşəsi ziyarət olunub, xatirələr bir dəqiqəlik sükutla yad edilib.

Çıxışlar zamanı Azərbaycan Silahlı Qüvvələrinin formalaşması, dövlətin son illərdə əldə etdiyi uğurlar və hüquqi maarifləndirmə məsələləri müzakirə olunub. Hərbi qulluqçuların sualları cavablandırılıb, onların xidmət və məişət şəraiti ilə maraqlanılıb.

Sonda xidmətdə fərqlənən hərbi qulluqçulara hədiyyələr təqdim edilib.

Tədbirdən sonra hərbi prokuror və diviziya komandiri Vətən müharibəsində itkin düşmüş şəhid leytenant İbrahim Vəlizadənin ailəsini ziyarət edərək, onlara ehtiram və dəstək ifadə ediblər. Şəhidin ailəsi göstərilən diqqətə görə dövlət rəhbərliyinə və aidiyyəti qurumlara təşəkkür bildirib.