Qanunda xarici media orqanlarının daxili işlərə qarışmaması əks olunmalıdır - Deputat

“Media haqqında” qanuna xarici mətbuat orqanlarının Azərbaycanın daxili işlərinə müdaxiləsini qadağan edən müddəa əlavə olunmalıdır. Bunu Milli Məclisin deputatı Aydın Mirzəzadə bildirib. 

Deputatın sözlərinə görə, hər bir müstəqil dövlət kimi Azərbaycan da öz informasiya təhlükəsizliyini təmin etməlidir.

“Azərbaycan düzgün olaraq xarici təhdidlərə qarşı informasiya siyasətini qoruyur. Bu, xarici media qurumlarının söz və ifadə azadlığını məhdudlaşdırmaq məqsədi daşımır,” – Mirzəzadə qeyd edib.

O əlavə edib ki, bəzi xarici mətbuat orqanları özlərini siyasi partiya kimi aparmağa çalışır və bu, daxili işlərə müdaxilə kimi qiymətləndirilə bilər.

Hazırda "Media haqqında" qanunla bağlı dəyişikliklər üzərində işlər davam etdirilir. 

Gülnar Nazimqızı