Prezident Əliyev 2024-cü il dövlət büdcəsinin icrası ilə bağlı qanunu təsdiqləyib

Prezident İlham Əliyev Milli Məclisin 4 iyulda qəbul etdiyi “2024-cü il dövlət büdcəsinin icrası haqqında” qanunu təsdiqləyib. 

 2024-cü ildə dövlət büdcəsinin gəlirləri 37 milyard 161,8 milyon manat təşkil edib ki, bu da ötən illə müqayisədə 5,5% çox, proqnozla müqayisədə isə 2,1% artıq olub.

Büdcənin xərcləri 37 milyard 713,6 milyon manat təşkil edib – bu göstərici illik müqayisədə 3,4% artım, proqnozla müqayisədə isə 5,1% azalma deməkdir.

Nəticədə, 2024-cü ildə büdcə kəsiri 551,8 milyon manat, yaxud ÜDM-in 0,4%-i həcmində qeydə alınıb.

Qanunun təsdiqi dövlət maliyyə siyasətinin şəffaf və hesabatlı şəkildə həyata keçirilməsi istiqamətində növbəti addım kimi qiymətləndirilir.

Gülnar