Sülh danışıqları başa çatıb - Paşinyan

Ermənistan və Azərbaycan arasında sülh və dövlətlərarası münasibətlərin qurulması üzrə layihənin mətni razılaşdırılıb və danışıqlar başa çatıb. Bunu Ermənistan Baş Naziri Nikol Paşinyan iyulun 16-da keçirdiyi mətbuat konfransında deyib. 

Paşinyan deyib ki, hazırda iki ölkə arasında irəliləyiş üçün yol xəritəsinin hazırlanması və məsləhətləşmələrə başlanılıb.

O, parafikasiya ideyasının müzakirə olunan variantlardan biri olduğunu qeyd edib və bunun müəyyən şərtlər daxilində real ola biləcəyini vurğulayıb.

Baş Nazir əlavə edib ki, sülh sazişinin imzalanması Ermənistanın suverenliyi, ərazi bütövlüyü, yurisdiksiyası və dövlət maraqlarının tam şəkildə nəzərə alınması ilə mümkün olmalıdır.

Gülnar