PaşinyanƏbu-Dabi görüşünü yüksək qiymətləndirib

Ermənistanın baş naziri Nikol Paşinyan bu gün keçirilən mətbuat konfransında Azərbaycan prezidenti İlham Əliyevlə Əbu-Dabidə baş tutan 5 saatdan çox davam edən görüşü müsbət qiymətləndirib.

“Əbu-Dabi görüşü ilk dəfə idi ki, hər iki tərəf əvvəlcədən razılaşıb, konkret vaxt və yerdə danışıqlar aparmağa qərar verdi,” —  Paşinyan bildirib.

O əlavə edib ki, bu təşəbbüs onun tərəfdən gəlib və əvvəlki görüşlərdə, məsələn, Tiranada müzakirə olunsa da, geniş nəticələr əldə edilməyib.

Baş nazir Əbu-Dabidə görüşün keçirilməsinə BƏƏ prezidentinin vasitəçiliyi ilə nail olunduğunu qeyd edib və buna görə təşəkkürünü ifadə edib.

Paşinyan görüşün konkret nəticələri barədə danışmaq üçün hələ vaxtın erkən olduğunu söyləyib:

“Əgər nəticələr müsbətdirsə, zamanla görəcəyik. Hələlik yalnız ideyalar müzakirə olunub və tərəflər onlardan bəzilərini müsbət qiymətləndirirlər.”

O vurğulayıb ki, münasibətlərin normallaşması istiqamətində müzakirələr Əbu-Dabi formatında davam etdiriləcək.

Gülnar