Kürdəmirdə baş verən hadisə ilə bağlı AQTA araşdırma aparır

Kürdəmir rayonunda məişət şəraitində baş verən hadisənin səbəblərinin araşdırılması məqsədilə Azərbaycan Qida Təhlükəsizliyi Agentliyi (AQTA) müvafiq dövlət qurumları ilə birgə araşdırmalara başlayıb. Bu barədə məlumatı AQTA yayıb. 

Agentliyin regional bölməsinin əməkdaşları hadisə yerinə baxış keçirib, qida nümunələri götürülüb və laborator müayinələrə cəlb olunub.

İlkin ehtimallara əsasən, hadisənin ev şəraitində düzgün saxlanılmayan və ya texniki tələblərə uyğun hazırlanmayan qidalardan qaynaqlandığı bildirilir.

Araşdırmalar davam edir.