İpoteka Fondu bu günədək 3,56 milyard manat kredit verib

İpoteka və Kredit Zəmanət Fondu (İKZF) indiyədək ümumilikdə 54 912 borcalana 3,56 milyard manat ipoteka krediti təqdim edib. Bu barədə qurumdan məlumat verilib.

Bundan əlavə, zəmanət və subsidiya mexanizmləri vasitəsilə verilmiş kreditlərin ümumi həcmi 581 milyon manata çatıb.

Fond həmçinin kirayə mexanizmi vasitəsilə 7 536 mənzilin realizəsini təmin edib.

İKZF 2017-ci ilin sonunda “Azərbaycan İpoteka Fondu” və “Kredit Zəmanət Fondu” ASC-lərinin birləşdirilməsi nəticəsində yaradılıb və bu qurumların hüquqi varisi hesab olunur.

Fondun fəaliyyət istiqamətləri arasında ipoteka kreditlərinin verilməsi, kirayə mənzillərin təqdim olunması və sahibkarlığın maliyyələşdirilməsi üçün zəmanət və subsidiyaların verilməsi yer alır.

Gülnar