• $ 1.7
  • € 1.9675
  • ₽ 0.021326
  • ₺ 0.0418
  • £ 2.257

Ayxan Hacızadədən İran XİN sözçüsünün iddialarına cavab

Ayxan Hacızadədən İran XİN sözçüsünün iddialarına cavab
04.08.2025 18:28

İran Xarici İşlər Nazirliyinin (XİN) mətbuat katibi İsmayıl Bəqainin Azərbaycanda iranəsilli məhbuslarla pis rəftar edilməsi ilə bağlı iddialarının heç bir əsası yoxdur.Bu barədə Azərbaycan XİN-in mətbuat katibi Ayxan Hacızadənin iranlı həmkarının Azərbaycanda həbsdə olan İran vətəndaşları ilə bağlı iddialarına dair şərhində bildirilib.

“Konsulluq əlaqələri haqqında” 1963-cü il tarixli Vyana Konvensiyasının müddəalarına uyğun olaraq, ölkədə saxlanılan və həbs edilən bütün İran İslam Respublikası vətəndaşları haqqında məlumatlar İran tərəfinə rəsmi qaydada təqdim edilib:

"Azərbaycanın Ədliyyə Nazirliyinin penitensiar müəssisələrində saxlanılan, İran vətəndaşı olan məhkum və həbs edilmiş şəxslərin hüquqları, qanuni mənafeləri və şəxsi təhlükəsizlikləri qorunur, onlar zəruri maddi-məişət şəraiti ilə təmin olunurlar.

Qüvvədə olan qanunvericiliyin tələblərinə uyğun olaraq, məhkum və həbs edilmiş şəxslər telefonla danışmaq, bağlama almaq, ailə üzvləri ilə görüşmək və telefonla danışmaq hüquqlarından istifadə edirlər. Bəzi penitensiar müəssisələrdə İran İslam Respublikası vətəndaşı olan məhbuslara ailə üzvləri ilə video görüntü əsasında görüşlərin keçirilməsi imkanı yaradılıb.

Həbsdə saxlanılan əcnəbilər, o cümlədən İran İslam Respublikasının vətəndaşları mütəmadi olaraq tibb-sanitariya bölməsində müayinələrdən keçirlər. Bununla yanaşı, İran İslam Respublikasının Azərbaycan Respublikasındakı Səfirliyinin əməkdaşları tərəfindən öz vətəndaşları üçün gətirilmiş dərman preparatları tibb xidmətinin əməkdaşları tərəfindən normativ aktların tələblərinə uyğun qaydada qəbul edilib və məhkumlara çatdırılıb".

Bildirilib ki, yalnız 2025-ci ildə İran səfirliyinin əməkdaşları ilə penitensiar müəssisələrində cəza çəkən 37 nəfər İran İslam Respublikasının vətəndaşları arasında konsul görüşünün keçirilməsi üçün şərait yaradılıb. Son olaraq belə görüş iki İran vətəndaşı ilə 31 iyul tarixində baş tutub.

"Azərbaycan tərəfinin həmçinin bir sıra İran vətəndaşları ilə bağlı humanistlik nümayiş etdirdiyi İran tərəfinə yaxşı məlumdur. Məhkum edilmiş bir sıra şəxslərin əfv olunması haqqında Azərbaycan Respublikası Prezidentinin 26 may 2025-ci il tarixli Sərəncamı ilə 5 nəfər İran vətəndaşı əfv olunub.

Bu tədbirlərə baxmayaraq, İran İslam Respublikasında saxlanılan və həbs edilən əksər vətəndaşlarımız barədə məlumatlar Azərbaycan Respublikasının İran İslam Respublikasındakı diplomatik missiyalarına təqdim edilmir, vətəndaşlarımıza əksər hallarda İran İslam Respublikasındakı Azərbaycan Respublikasının diplomatik missiyaları və ailə üzvləri ilə görüşməyə və telefon əlaqəsi qurmağa, 1998-ci ilin 21 fevral tarixində Bakı şəhərində imzalanmış “Azərbaycan Respublikası Hökuməti və İran islam Respublikası Hökuməti arasında azadlıqdan məhrum edilmiş məhkumların cəza çəkmək üçün verilməsi haqqında Müqavilə”nin müddəalarına uyğun olaraq cəzasının qalan hissəsini Azərbaycan Respublikasında çəkmək üçün müraciətin təqdim edilməsinə icazə verilmir.

Eyni zamanda, sorğu olunmasına baxmayaraq Azərbaycan Respublikası vətəndaşlarının işləri ilə bağlı İran İslam Respublikasında keçirilən məhkəmə iclasları, həmin iclaslar zamanı qəbul edilən qərarlar barədə Azərbaycan tərəfinə məlumat verilmir.

Ölkəmiz hər zaman bu kimi məsələlərin siyasiləşdirilmədən, ikitərəfli müstəvidə, diplomatik kanallarla müzakirəsinin tərəfdarı olub. Digər məsələlərlə yanaşı bu istiqamətdə danışıqlar 15 aprel 2025-ci il tarixində Tehran şəhərində Azərbaycan Respublikasının Xarici İşlər Nazirliyi və İran İslam Respublikasının Xarici İşlər Nazirliyi arasında növbəti konsulluq məsləhətləşmələri zamanı aparılıb", - XİN-in mətbuat katibi diqqətə çatdırıb.

Oxşar xəbərlər
Oxşar xəbərlər
Aqalarovlara qarşı cinayət işi açılacaq - Kremlə yaxın mənbələr
Siyasət 09:19
Aqalarovlara qarşı cinayət işi açılacaq - Kremlə yaxın mənbələr
Paşinyan ofisi Tramp və Əliyevlə üçtərəfli görüşü təsdiq edib
Siyasət 09:14
Paşinyan ofisi Tramp və Əliyevlə üçtərəfli görüşü təsdiq edib
Ağ Evdə Ermənistan-Azərbaycan sülh danışıqları avqustun 8-nə təyin olunub
Siyasət 06:18
Ağ Evdə Ermənistan-Azərbaycan sülh danışıqları avqustun 8-nə təyin olunub
Əli Əsədov Türkmənistan Prezidenti ilə görüşüb
Siyasət 19:25
Əli Əsədov Türkmənistan Prezidenti ilə görüşüb
Prezident “Polis haqqında” Qanuna dəyişiklik edib
Siyasət 16:12
Prezident “Polis haqqında” Qanuna dəyişiklik edib
Türkmənistanda Mərkəzi Asiya liderlərinin sammitinə hazırlıq görüşü keçirilib
Siyasət 11:35
Türkmənistanda Mərkəzi Asiya liderlərinin sammitinə hazırlıq görüşü keçirilib
Əli Əsədov Türkmənistanda səfərdədir
Siyasət 20:54
Əli Əsədov Türkmənistanda səfərdədir
Müdafiə Nazirliyi məlumat yayıb
Siyasət 19:04
Müdafiə Nazirliyi məlumat yayıb
Sahibə Qafarova Türkmənistan Məclisinin sədri ilə görüşüb
Siyasət 18:47
Sahibə Qafarova Türkmənistan Məclisinin sədri ilə görüşüb
Anews TV

Rəsmi Youtube kanalımız

Abunə ol