• $ 1.7
  • € 1.9829
  • ₽ 0.021086
  • ₺ 0.0413
  • £ 2.2954

Sahibə Qafarova Türkmənistan Məclisinin sədri ilə görüşüb

Sahibə Qafarova Türkmənistan Məclisinin sədri ilə görüşüb
04.08.2025 18:47

Milli Məclisin sədri Sahibə Qafarova Türkmənistana işgüzar səfəri çərçivəsində Türkmənistan Məclisinin sədri Dünyagözəl Qulmanova ilə görüşüb.Bu barədə Milli Məclisin Mətbuat və ictimaiyyətlə əlaqələr şöbəsindən məlumat verilib.

Bildirilib ki,Qulmanova Milli Məclisin sədrini salamlayaraq BMT-nin Dənizə çıxışı olmayan inkişaf etməkdə olan ölkələr üzrə üçüncü Konfransı çərçivəsində keçirilən Parlamentlərarası Forumda iştiraka görə təşəkkürünü bildirib. O diqqətə çatdırıb ki, konfransda müzakirə olunan məsələlər mühüm əhəmiyyətə malikdir və xalqların maraqlarına xidmət edir.

Azərbaycanın və Türkmənistanın qanunverici orqanları arasındakı əməkdaşlığı yüksək qiymətləndirən Qulmanova ölkələr arasındakı münasibətlərin mövcud səviyyəsindən razılığını bildirib.

Səmimi görüş üçün təşəkkürünü bildirən Milli Məclisin sədri konfransın iştirakçı ölkələrin parlamentləri arasında əməkdaşlığın inkişafı baxımından əhəmiyyətini qeyd edib.Qafarova bu Konfransın yüksək səviyyədə təşkilinə görə Türkmənistan tərəfinə minnətdarlığını bildirib.

Qafarova dost və qardaş ölkələr arasında əlaqələrin inkişafından danışaraq, yüksək səviyyəli qarşılıqlı səfərlərin münasibətlərin inkişafında böyük rol oynadığını qeyd edib. O, ötən ay Türkmənistan Xalq Məsləhətinin sədri Qurbanqulu Berdiməhəmmədovun başçılıq etdiyi nümayəndə heyətinin Azərbaycana səfərini xatırlayaraq, ali qonağın həmin səfər çərçivəsində Prezident İlham Əliyevlə keçirdiyi görüşünün və aparılmış müzakirələrin əhəmiyyətindən danışıb. Spiker bildirib ki, ölkələr arasında imzalanmış sənədlər münasibətlərin hüquqi bazasını formalaşdırıb. Bu sənədlər arasında “Azərbaycan Respublikası ilə Türkmənistan arasında Strateji tərəfdaşlıq haqqında Bəyannamə” ölkələrin hərtərəfli əməkdaşlığının daha da inkişafı baxımından xüsusi əhəmiyyət kəsb edir.

Azərbaycan-Türkmənistan münasibətlərinin inkişafında hər iki ölkənin parlamentlərinin əhəmiyyətini vurğulayan Sahibə Qafarova bu sahədə parlamentlərarası əlaqələr üzrə işçi qruplarının fəaliyyətini təqdir edib.

Görüşdə xalqlarıdərin tarixi köklərin, mənəvi və mədəni dəyərlərin birləşdirdiyini, bunları qoruyub gələcək nəsillərə çatdırmağın vacib olduğu diqqətə çatdırılıb.

Söhbət zamanı tərəfləri maraqlandıran digər mövzularda da fikir mübadiləsi aparılıb.

Oxşar xəbərlər
Oxşar xəbərlər
Azərbaycan Prezidenti İlham Əliyev Qırğızıstan liderini təbrik edib
Siyasət 11:07
Azərbaycan Prezidenti İlham Əliyev Qırğızıstan liderini təbrik edib
Prezident İlham Əliyev Tiencində Si Cinpinlə görüşüb
Siyasət 08:10
Prezident İlham Əliyev Tiencində Si Cinpinlə görüşüb
Avropa İttifaqı Azərbaycana yeni səfir təyin edib
Siyasət 22:43
Avropa İttifaqı Azərbaycana yeni səfir təyin edib
Zakir Həsənov Türkiyədə hərbi məktəblərin buraxılış mərasimində
Siyasət 22:02
Zakir Həsənov Türkiyədə hərbi məktəblərin buraxılış mərasimində
Sumqayıtda 13 yaşlı uşaq ölüb
Siyasət 21:00
Sumqayıtda 13 yaşlı uşaq ölüb
Prezident Çinə səfər edib
Siyasət 16:09
Prezident Çinə səfər edib
Füzulidə ikinci yaşayış kompleksinin tikintisi sentyabrda başlayacaq - Emin Hüseynov
Siyasət 13:13
Füzulidə ikinci yaşayış kompleksinin tikintisi sentyabrda başlayacaq - Emin Hüseynov
XİN Türkiyəni Zəfər Bayramı münasibətilə təbrik edib
Siyasət 12:16
XİN Türkiyəni Zəfər Bayramı münasibətilə təbrik edib
ABŞ Dövlət Departamenti Azərbaycan və Ermənistanla imzalanmış sənədlərin mətnini açıqlayıb
Siyasət 21:55
ABŞ Dövlət Departamenti Azərbaycan və Ermənistanla imzalanmış sənədlərin mətnini açıqlayıb
Anews TV

Rəsmi Youtube kanalımız

Abunə ol