İyulda 118 nəfər zəhərlənmə ilə xəstəxanaya yerləşdirilib, 3 nəfər ölüb

 İyulda  Kliniki Tibbi Mərkəzin (KTM) Toksikologiya şöbəsinə zəhərlənmə diaqnozu ilə 118 nəfər qəbul olunub. Bu barədə Mərkəz məlumat yayıb.

Zəhərlənmə hallarının 39-u dərman, 47-si isə sirkə turşusu ilə bağlı olub.

Digər hallarda 4 nəfər həlledici məhluldan, 3 nəfər botulizmdən, 2 nəfər göbələkdən zəhərlənib, 3 nəfərdə isə allergik reaksiya qeydə alınıb.

Həkim müdaxilələrinə baxmayaraq, zəhərlənənlərdən 3-ü – 1 qadın və 2 kişi – həyatını itirib.

Ölüm hallarının sirkə turşusu və dərman zəhərlənmələri ilə bağlı olduğu bildirilib.

Gülnar