BƏƏ Sudana uçuşları dayandırıb

Birləşmiş Ərəb Əmirliklərinin (BƏƏ) Mülki Aviasiya Baş İdarəsi çərşənbə səhərindən etibarən iki ölkə arasında uçuşların dayandırılması ilə bağlı Sudan aviaşirkətlərini xəbərdar edib.Bu barədə “Asharq News” telekanalı məlumat yayıb.

"Sudan və BƏƏ arasında bütün uçuşlar dayandırılıb", - kanalın mənbələrindən biri bildirib.

Sudanın aviasiya hakimiyyət orqanları məlumatı təsdiqləyiblər.

"Asharq News" bildirib ki, bu addım çox güman, Xartum və Əbu-Dabi arasındakı gərginliklə bağlıdır. Bundan əvvəl Sudan BƏƏ-ni kolumbiyalı muzdluları Çevik Reaksiya Qüvvələrinin (RRF) tərəfində döyüşmək üçün yerləşdirməkdə ittiham edib.

BƏƏ Xarici İşlər Nazirliyi “Port Sudan administrasiyası tərəfindən irəli sürülən ittihamları” rədd edərək, onların əsassız olduğunu bildirib.