Tərtərdə yol-nəqliyyat hadisəsi baş verib, 3 nəfər ölüb

Tərtərdə 3 nəfərin ölümü ilə nəticələnən yol-nəqliyyat hadisəsi baş verib.

"Report"un məlumatına görə, hadisə Hindarx Borsunlu yolunun Tərtər rayonunu ərazisindən keçən hissəsində qeydə alınıb.

Qəza "OPEL" markalı minik maşını ilə "KamAZ" markalı avtomobillərin toqquşması nəticəsində baş verib. Hadisə nəticəsində minik avtomobilində olan 3 nəfər ölüb.

Faktla bağlı araşdırma başlanıb.