Ermənipərəst Menendesin həyat yoldaşı rüşvət ittihamı ilə həbs cəzası alıb

ABŞ-ın keçmiş senatoru Bob Menendesin həyat yoldaşı Nadin Menendes (Arslanyan) rüşvət almaqda təqsirli bilinərək 4 il yarım müddətinə azadlıqdan məhrum edilib. Bu barədə Bloomberg yazıb.

58 yaşlı Nadin Menendes federal münsiflər məhkəməsi tərəfindən 15 bənd üzrə təqsirli bilinib.

Prokurorların sözlərinə görə, o, uzunmüddətli rüşvət sxemində əsas rol oynayıb, misirli rəsmilərlə görüşlər təşkil edib və rüşvətləri eləcə də məlumatları ərinə çatdırıb.

Bir vaxtlar ermənipərəst mövqeyi ilə tanınan sabiq senator Bob Menendes isə bundan əvvəl 11 il həbs cəzasına məhkum olunub.

N.Təbrizli