İlham Əliyev İon İliyeskunun vəfatı ilə bağlı başsağlığı verib

Azərbaycan Prezidenti İlham Əliyev Rumıniyanın keçmiş Prezidenti İon İliyeskunun vəfatı ilə əlaqədar Rumıniya Prezidenti Nikuşor Danuya başsağlığı məktubu göndərib.

Bu barədə Azərbaycan Prezidentinin mətbuat xidməti məlumat yayıb.

Məktubda Prezident Əliyev İliyeskunun Azərbaycan-Rumıniya münasibətlərinin qurulması və inkişafında rolunu qeyd edib. O bildirib ki, İliyesku iki ölkə arasında dostluq və əməkdaşlıq əlaqələrinin möhkəmləndirilməsinə mühüm töhfələr verib və dəfələrlə Azərbaycana səfər edib.

“Bu ağır itki ilə əlaqədar Sizə, mərhumun ailəsinə və bütün Rumıniya xalqına dərin hüznlə başsağlığı verirəm,” – deyə Prezident Əliyev məktubda qeyd edib.