Zelenski Rusiyaya qarşı yeni sanksiyalar tətbiq edib

Ukrayna Prezidenti Volodimir Zelenski süni intellekt elementləri olan Rusiya hücum dronlarının inkişafını məhdudlaşdırmaq üçün yeni sanksiyalar tətbiq edib.

Müvafiq fərman dövlət başçısının aparatı tərəfindən dərc edilib.

Sənədə əsasən, sanksiya siyahısına Rusiya və Çindən 39 fiziki və 55 hüquqi şəxs daxildir.

Ukrayna liderinin müşaviri və sanksiyalar siyasəti üzrə komissarı Vladislav Vlasyuk jurnalistlərə verdiyi şərhdə qeyd edib ki, Rusiya süni intellektdən (AI) istifadə edən pilotsuz texnologiyalara fəal şəkildə sərmayə qoyur və bu prosesə ciddi yanaşmaq lazımdır.