Paşinyan üzr istədi

Ermənistanın Baş naziri Nikol Paşinyan ruhanilərə qarşı bir müddət öncə sosial şəbəkədə yazdığı ifadələrə görə ictimaiyyətdən üzr istəyib.Bu barədə Ermənistan KİV xəbər verir.

Paşinyan müvafiq komissiyanın qərarından sonra üzr istəməyə məcbur olub.

Baş nazir bildirib ki, komissiyanın qiymətləndirməsi ilə razılaşmasa da, hamıdan üzr istəyir.

O, qalmaqala səbəb olan ifadələrini özündə qüsur kimi qeyd edərək, emosiyalarını daha yaxşı idarə etməyi öyrənməli olduğunu bildirib.

Mayın 30-da Paşinyan və arvadı Anna Akopyanın Ermənistan Apostol Kilsəsinin (EAK) ruhanilərinə qarşı  ifadələri ölkədə siyasi və ictimai qalmaqala səbəb olmuşdu.Baş nazir bildirmişdi ki, kilsədə subaylıq andını pozan bütün ruhanilər öz mənəvi xidmətlərindən getməli, kilsələrdən rədd olmalıdırlar.