SOCAR prezidenti “Arthur D. Little” şirkətinin rəhbəri ilə görüşüb

SOCAR-ın prezidenti Rövşən Nəcəf “Arthur D. Little” şirkətinin enerji, kommunal xidmətlər və resurslar üzrə qlobal rəhbəri Mikael Kruse ilə görüşüb. Görüşdə enerji sektorunda strateji layihələr, rəqəmsallaşma, süni intellekt və bərpaolunan enerji kimi innovasiya mövzuları müzakirə edilib. Bu barədə SOCAR məlumat yayıb. 

“Arthur D. Little” 1886-cı ildə kimyaçı Artyur Dihon Littl tərəfindən Bostonda təsis edilib və dünyanın ən qədim menecment konsaltinq firması hesab olunur.

Bu şirkət müasir konsaltinq sahəsinin əsasını qoyub və hazırda 40-dan çox ölkədə fəaliyyət göstərən qlobal şəbəkəyə malikdir ..

SOCAR ilə Arthur D. Little arasında əvvəllər də əməkdaşlıq olub. Belə ki, şirkət SOCAR-a enerji strategiyası, innovativ idarəetmə və əməliyyatların optimallaşdırılması istiqamətində məslləhətlər verib. Bu mövzular son görüşdə də yenidən gündəmə gətirilib.

N.Təbrizli