Ağdərədə dağlıq ərazidəki yanğın söndürülüb - Video

Ağdərə rayonunda baş vermiş yanğın söndürülüb.Bu barədə FHN məlmat yayıb.

“Fövqəladə Hallar Nazirliyi tərəfindən görülmüş zəruri və təxirəsalınmaz tədbirlərlə Ağdərə rayonu, Oratağ kəndi istiqamətində mürəkkəb relyefli dağlıq ərazidə baş vermiş yanğın havanın küləkli olmasına baxmayaraq daha geniş sahəyə yayılmasına imkan verilmədən söndürülüb”, - məlumatda bildirilib.

Qeyd edilir ki, yanğınla mübarizə tədbirlərində FHN-in Dövlət Yanğından Mühafizə Xidməti və Aviasiya dəstəsinin qüvvələri iştirak edib.

Ötən gün Ağdərədə dağlıq ərazidə yanğın başlayıb. Güclü yanğın Ağdam rayon Papravənd kəndi ərazisinə keçib.