Avropadan ABŞ-a bəzi poçt bağlamalarının göndərilməsi müvəqqəti dayandırılacaq

Fransa, İspaniya, Almaniya və Böyük Britaniyanın milli poçt xidmətləri gələn həftədən etibarən ABŞ-a bağlama göndərişlərini müvəqqəti olaraq dayandıracaqlarını açıqlayıb.Bu barədə “Politico” dərgisi məlumat yayıb.

Bildirilib ki, buna səbəb bu ayın sonundan etibarən 800 dollardan az dəyəri olan malların idxalına tətbiq ediləcək yeni tariflərin qüvvəyə minməsidir.

ABŞ Prezidenti Donald Tramp keçən ay imzaladığı sərəncamla, uzun müddətdir qüvvədə olan aşağı dəyərli malların idxalına vergi azadlığını 29 avqustdan etibarən ləğv edib.

Göndərişləri dayandıran poçt xidmətləri Vaşinqtonu yeni qaydalara hazırlaşmaq üçün onlara kifayət qədər vaxt verməməkdə günahlandırıblar.

Qeyd edilib ki, bazar ertəsindən etibarən qüvvəyə minəcək bu məcburi tədbirlər yeni tariflərlə bağlı praktik həll yolları tapılanadək davam edəcək.