Azərbaycanda dəmir yolu daşımalarından əldə olunan gəlir 8,2% azalıb

2025-ci ilin yanvar-iyun aylarında Azərbaycanda dəmir yolu ilə yük və sərnişin daşımalarından əldə olunan gəlir 200,4 milyon manat təşkil edib ki, bu da ötən ilin eyni dövrü ilə müqayisədə 8,2% azdır. Bu barədə  Dövlət Statistika Komitəsinin məlumatlarında qeyd olunub. 

Yük daşımalarından gəlir 192,6 milyon manat olub — 2024-cü ilin ilk yarısına nisbətən 9,7% azalma (213,3 milyon manat) qeydə alınıb.

Əksinə, sərnişin daşımalarından gəlir 56,7% artaraq 7,8 milyon manata çatıb (2024: 5,0 milyon manat).

Hesabat dövründə ölkə üzrə dəmir yolu nəqliyyatı ilə 8,4 milyon ton yük (−9,4%) və 4,6 milyon sərnişin (+20,7%) daşınıb.

Gülnar