BMT: Qəzzada Nasser xəstəxanasına hücumda 20 nəfər, o cümlədən 5 jurnalist öldürülüb

Qəzzanın cənubunda yerləşən Nasser xəstəxanasına edilən hücum nəticəsində 20 nəfər, o cümlədən 5 jurnalist həlak olub. BMT hadisə ilə bağlı müstəqil və hərtərəfli təhqiqat aparılmasına çağırıb.

BMT-nin insan haqları ofisinin sözçüsü Cenevrədə jurnalistlərə açıqlamasında “Ədalət lazımdır” deyərək, media işçilərinin qəsdən hədəfə alınıb-alınmadığına dair ciddi suallar yarandığını bildirib.

Şahidlərə görə, İsrail bazar ertəsi xəstəxananı iki dəfə vurub: ilk zərbədən 15 dəqiqə sonra xilasedicilər və jurnalistlər hadisə yerinə çatan zaman ikinci hücum baş verib.

Reuters, Associated Press və Al Jazeera ölən əməkdaşları ilə bağlı bəyanatlar yayaraq İsraili hücumu araşdırmağa çağırıb.

Gülnar