Azərbaycanda bir gündə 48 cinayət faktı açılıb

Avqustun 26-da Azərbaycanda qeydə alınan 42, əvvəlki dövrlərdən bağlı qalan 6 cinayətin açılması polis əməkdaşları tərəfindən təmin edilib. Bu barədə Daxili İşlər Nazirliyinin (DİN) Mətbuat Xidməti məlumat yayıb.

Həmin gün ərzində müxtəlif səbəblərlə axtarışda olan 89 nəfər, o cümlədən borclu şəxs qismində axtarılan 60 nəfər saxlanılaraq aidiyyəti üzrə təhvil verilib.

Narkotiklərlə bağlı 11, qanunsuz silah-sursatın aşkarlanması ilə əlaqəli 7 fakt müəyyən edilib. Ümumilikdə 34 nəfər cinayət törətməkdə şübhəli bilinərək saxlanılıb.

Əlavə olaraq, yaşadığı ünvanı tərk etdiyinə görə itkin düşmüş kimi axtarışda olan 2 nəfər tapılaraq ailələrinə təhvil verilib. Dələduzluq əməllərinə görə axtarışda olan 8 nəfər də saxlanılaraq istintaq orqanlarına təqdim edilib.

Gülnar