ABŞ-da əldə olunmuş razılaşmaların detallarını sentyabrda müzakirə edəcək – Paşinyan

Azərbaycan və Ermənistan avqustun 8-də ABŞ-da əldə edilmiş razılaşmaların detallı müzakirəsini sentyabrda davam etdirəcəklər. Bunu Ermənistanın baş naziri Nikol Paşinyan deyib.

Paşinyan keçirdiyi brifinqdə bildirib ki, müzakirələr regionda kommunikasiyaların açılması ilə bağlı elan olunmuş prinsiplərlə ziddiyyət təşkil etməməlidir. Onun sözlərinə görə, bu kommunikasiyalar keçdiyi ölkələrin yurisdiksiyası altında olmalıdır.

Avqustun 8-də ABŞ prezidenti Donald Trampın vasitəçiliyi ilə Azərbaycan prezidenti İlham Əliyev və Ermənistanın baş naziri Nikol Paşinyan Vaşinqtonda hərbi əməliyyatların dayandırılmasına dair bəyannamə imzalayıblar.

Bəyannamədə  tərəflərin sülh sazişinin paraflanmış mətni üzərində razılığa gəldiyi bildirilir.

Gülnar