Rusiyada sabiq teatr direktoru Məmmədəli Ağayev həbs edilib

Rusiya hüquq-mühafizə orqanları Moskva Akademik Satira Teatrının sabiq direktoru Məmmədəli Ağayevin həbs olunması üçün məhkəməyə müraciət etməyi planlaşdırır. Bu barədə TASS xəbər verir.

Ağayev ötən gün 20 milyon rubl dəyərində mənimsəmədə ittiham olunaraq saxlanılıb.

İstintaqın versiyasına görə, 1992–2021-ci illərdə teatrı idarə etmiş Ağayev fərdi sahibkar kimi qeydiyyatdan keçərək, rəhbərlik etdiyi teatrla saxta müəllif müqavilələri bağlayıb.

Sənədlərə əsasən, o, guya bir neçə tamaşanın ssenarisini yazaraq teatra təqdim edib və saxta hesabatlar vasitəsilə tamaşaların gəlirindən faiz qazanıb.

Məlumata görə, Ağayevin ailə üzvlərinin hesabları da dondurulub. Onun vəkili Sergey Çerski bildirib ki, sabiq direktor 10 ilə qədər həbs cəzası ilə üzləşə bilər.

Naxçıvanda 1952-ci ildə doğulmuş Məmmədəli Ağayev Rusiyada “Əməkdar mədəniyyət işçisi” və “Əməkdar incəsənət xadimi” adlarını alıb, uzun illər teatr meneceri kimi fəaliyyət göstərib.

N.Təbrizli