Füzulidə ikinci yaşayış kompleksinin tikintisi sentyabrda başlayacaq - Emin Hüseynov

Füzulidə ikinci yaşayış kompleksinin layihəsi tamamlanmaq üzrədir və payız aylarında tikintiyə başlamaq üçün dövlət satınalmaları prosesinə start veriləcək. Bunu Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov anews.az-a açıqlamasında bildirib.


Onun sözlərinə görə, Ağdamın Başqərvənd və Eyvazxanbəyli kəndlərinin, eləcə də Füzulinin Pirəhmədli kəndinin tikintisinə artıq başlanılıb.

İlin sonuna qədər isə Füzulinin Qaraxanbəyli kəndində təməlqoyma mərasimi gözlənilir.

Hüseynov əlavə edib ki, 2026-cı ilin sonuna qədər Füzulidə üç kəndin bərpası yekunlaşacaq.

Ümumilikdə Füzulidə üç, Ağdamda isə beş kəndin tam bərpa olunması planlaşdırılır.

Gülnar Nazimqızı