Tramp administrasiyası Pentaqonun adını dəyişməyi müzakirə edir

ABŞ Prezidenti Donald Trampın administrasiyası Müdafiə Nazirliyinin adının yenidən Müharibə Departamenti olaraq dəyişdirilməsinin yollarını araşdırır.Bu barədə mənbələrə istinadən “The Wall Street Journal” məlumat yayıb.

Trampın prezidentliyə qayıdışından sonra Pentaqon rəhbərliyi bu məsələyə dair “qanunvericilik təklifləri” üzərində işləməyə başlayıb. Məqsəd quruma 1789–1947-ci illərdə daşıdığı əvvəlki adını və funksiyasını qaytarmaqdır.

Mənbələrin bildirdiyinə görə, belə bir addım Konqresin təsdiqini tələb etdiyindən, Ağ Ev alternativ mexanizmlər axtarmağa başlayıb.