Durov Maskla “qul” sözünün mənşəyi barədə mübahisə edib

Telegram-ın qurucusu Pavel Durov X sosial şəbəkəsində amerikalı milyarder Elon Maskla polemikaya girərək slavyan xalqlarını müdafiə edib.

Durov xatırladıb ki, “qul” sözü qədim fransız dilindəki esclave sözündən yaranıb və bu söz həm “slavyan”, həm də “qul” mənasını daşıyıb. O qeyd edib ki, Orta əsrlərdə Qərbi Avropalılar, əsasən də franklar, çoxlu sayda slavyanı əsarətə alıb.

“Slavyan dövlətləri heç vaxt səbəbsiz Qərbi Avropaya hücum etməyiblər, amma əksi dəfələrlə baş verib”, —  Durov yazıb.

Onun paylaşımı Maskın Grok ilə söhbətindən ibarət olan “qul” sözünün etimologiyası haqda postuna cavab olub.

Minlərlə istifadəçi buna reaksiya verib, o cümlədən amerikalı Şennon Pretzel “ağlara” da tarixi əsarətə görə reparasiya verilməli olduğunu bildirib. Mask onun fikrini dəstəkləyib.

N.Təbrizli